貝澳摸蜆

今日約左朋友去貝澳摸蜆,剛趕到10點半班船,因為東涌巴士太多人同等太耐,所以今次由中環坐船入梅窩,再坐車到貝澳,去到梅窩吃過午餐,再到超市買點飲品食物,原本想坐巴士但十分疏落全部要等成個鐘先有車,所以決定打的到貝澳,坐左10分鐘左有就到,$35就到貝澳沙灘,去到太陽非常猛烈,先換過泳衣就去沙灘揾樹陰位,找到一個近中間的樹陰位,係沙灘影左陣相食下提子,之前就落水摸蜆,今次的蜆比上年九月來時大好多,初時收獲不錯,但突然又落左陣雨,立刻返去幫手開遮,過左陣就停了又出太陽,但好彩沙灘雲好厚,陽光都照在山上多,但越近潮退時間浪又大了,要行到較出用腳找才有蜆,但我冇帶泳鏡,所以好難摸,近的位置又冇乜,只有十幾隻大蜆反而今次冇細蜆也算不錯,玩到5點半就走,走時非常多人沖身,女更衣室外排大隊,更有女仕走去男更衣室外沖身搞到男仕沖身也排大隊, 康文署真係要改善,臨走肚餓係小食亭買左咖哩魚蛋腸仔,但十分難食下次咪搞,今日假日所以沙灘出口巳有特別巴士,上車等左陣就開車返東涌,到東涌泳池剛好及時趕到影日落晚霞,今日更出現火燒雲,係天橋影左一輪就坐車返屯門市中心, 落車後覺得好肚餓,係魚米家吃過飯後就返屋企