今日中午約左朋友去唱K,唱完3點九之後唸住再去吐路洗港餵流浪貓,但係旺角道等左半個鐘先有車真係激死人,去到廣福邨落車,之後去左食下午茶,食完就行去元洲仔公園, 真係黑仔去完厠所就開始落雨,行過左廟後沿路也有舊貓糧,但好失望一隻貓都見唔到,正當想離開時,有一隻貓發現我們,立刻由石蓬中跳出,我地好開心即刻開罐貓糧餵牠,但佢都幾小心怕人,唔可行得太近,之後石蓬中又有一隻好奇既小貓,但可能背份問題佢怕之前那隻貓唔敢食,直到比大貓食晒為止,都唔敢過黎,之後又有一對男女黎餵貓,我地再係另一邊發現幾隻貓,再餵佢但又係比一隻貓霸晒黎食,但呢隻更加怕人,埋少少都走,之後雨越黎越大,所有貓都里埋晒我地只好離開,行到公園避雨,等雨細後再行到一田行左陣,之後就去左一間叫“董家台灣牛肉麵店”等左15分鐘終於入到去坐低,但呢間餐廳請太多新人乜都唔識又成日送錯野,但食物也算幾好食,而且份量好多,叫了一個2人餐,份量係足夠3個人吃, 4餸1麵2飲品,埋單都係一百七十,都幾平幾抵食
Sony A55 + Sony 16-50mm F2.8,Minolta 70-210mm F3.5-4.5
正呀有人帶野黎探我
哈~~忘記帶紙碟,影到好到好似佢嘔出黎咁
食完拍拍屁股走人
死野食晒唔留比我
沒有留言:
張貼留言